La cumissiun è da l'avis che la reabilitaziun d'unfrendas da mesiras repressivas haja pir cumenzà. Las contribuziuns da solidaritad che l'Uffizi federal da giustia paja a las unfrendas sajan pir l'entschatta. Il president da la cumissiun Markus Notter propona perquai ch'i vegnia il futur fatg dapli:
Divers agids finanzials
En il rapport final recumonda la cumissiun al Cussegl federal divers agids finanzials. En tscherts cas duaja la taglia vegnir relaschada a las unfrendas. Plinavant duaja dar in fond d’agid per custs da sanadad che na sajan betg cuverts. La cumissiun recumonda era che las unfrendas da mesiras repressivas hajan il dretg d’ina renta ed in abunament general da la SBB.
La ministra da giustia, Karin Keller-Sutter, ha ditg envers las medias ch'ins vegnia a discutar e suenter a decider davart las propostas da la cumissiun.
RR novitads 14:0