Siglir tar il cuntegn

Header

cuntegn

Svizra Mesiras rigurusas cunter l'impestaziun da l'aria

En il cumbat per in'aria schubra dovri avunda baud mesiras, perquai vul la Svizra augmentar ses sforzs.

L'ordinaziun correspundenta duai vegnir adattada per reducir anc pli fitg la concentraziun da particlas finas. Quai ha ditg Richard Ballman, schef da la secziun qualitad da l’aria tar l’Uffizi federal da l’ambient UFAM a l'agentura da novitads sda. La davosa adattaziun è succedida l'october 2015.

I saja fitg grev da reagir a curta vista sche la concentraziun da particlas haja ina valur memia auta. Situaziuns sco il schaner en il Tessin mussian ch'i saja necessari da prender ad uras mesiras. Lura aveva il chantun limità la spertadad per ils autos e scumandà a vehichels da diesel da circular.

Surpassà limita memia savens

Ina tala situaziun sco il schaner en il Tessin na saja betg extraordinari e betg alarmanta durant l’enviern. La situaziun mussia dentant, che talas stentans da reducir oxid azotic saja vinavant necessari. Quai che ha natiralmain era ina influenza è la situaziun da l’aura. Suenter lungas periodas da sitgira crescha la concentraziun.

RR actualitad 11:00

Artitgels legids il pli savens