En parts da la Svizra è la notg sin dumengia stada la pli fraida da l’entir onn. Uschia per exempel a la plazza aviatica da Turitg, nua ch’ins haja mesirà minus 8,5 grads. Quai han communitgà ils servetschs d'aura «Meteonews» ed «SRF Meteo». Il pli fraid en la Bassa saja stà a Schleitheim en il chantun Schaffusa cun minus 11,9 grads.
Aria polara e notg clera
La raschun per las temperaturas bassas sajan stadas l’aria polara ed il fatg che la notg saja stada stailida suenter la bischa. Tenor «SRF Meteo» pudessi questa notg dentant anc vegnir pli fraids. Dumengia datti en numerus lieus en il nord da las Alps temperaturas maximalas sut nulla grads. Uschia er a Cuira.