Siglir tar il cuntegn

Header

cuntegn

Meteo Svizra Terz chauda stad dapi l'entschatta da mesiraziuns

La stad da quest onn è stada ina da las pli chaudas stads insumma en Svizra – quai mussa in'emprima bilantscha da Meteo Svizra.

Dapi l'entschatta da las mesiraziuns avant 155 onns hai da sulettamain duas stads ch'èn stadas pli chaudas che la stad 2019. Pli chaud èsi stà la stad passada e durant la stad 2003. Per la stad 2019 èsi da quintar cun ina temperatura intermediara tranter 15 fin 16 grads, quai èn passa 2 grads sur la media. Il pli chaud èsi stà en media il fanadur – il zercladur è dentant stà il segund chaud dapi l'entschatta da las mesiraziuns avant 155 onns.

Chaud bain – ma avunda plievgia

La stad 2019 n'è betg stada ina stad da setgira sco l'onn passà. Quest onn haja dà tut en tut avunda plievgia. Ed er l'avust da quest onn dumogna be tranter ils 20 ils pli chauds ch'èn vegnids miserads.

Dal tut n'è la stad 2019 dentant anc betg passada. Il rapport cun las cifras definitivas da Meteo Svizra, suonda mez settember.

Ord l'archiv:

La stad passada è stada uschè chauda che tschertas alps grischunas, situadas plitost a bass han stuì stgargiar pli baud las alps. Er cun il pavel sur enviern èsi lura vegnì stretg per tscherts purs. Fin en questa stad ha la setgira da l'onn passà gì consequenzas, er tar las plantas enturn Cuira.

RR novitads 17:00