Mexico e la Svizra fundeschan nova chombra da commerzi

La Svizra ed il Mexico rinforzan lur relaziuns bilateralas. Cun fundar ina chombra da commerzi communabla duai vegnir stabilì il barat economic tranter ils dus pajais.

Purtret da Schneider-Ammann e Guajardo Villareal. Bild in Lightbox öffnen.

Legenda da maletgs: Il president da la Confederaziun, Johann Schneider-Ammann ed il minister d'economia dal Mexico, Ildefonso Guajardo Vi... Keystone

Sco quai ch'il president da la Confederaziun, Johann Schneider-Ammann ha ditg a chaschun da la fundaziun da la chombra en il Mexico saja quest pajais il segund impurtant partenari economic da l'America latina.

Tenor la statistica dal commerzi cun l'exteriur han firmas svizras exportà l'onn passà rauba per 1,4 milliardas francs en il Mexico. Tar quests products vendids sa tracti sur tut da products farmaceutics e chemics, vitamins, diagnostica, maschinas, apparats ed electronica, sco era uras ed instruments da precisiun.

Dentant è era il volumen d'import dal Mexico cun 1,1 milliardas considerabel. La Svizra importa sur tut products chemics, autos, products da l'agronomia sco café, mel d'avieuls, e gervosa dal Mexico.

La Svizra investescha bler en l'economia dal Mexico

Plinavant è la Svizra l'otgavel grond investider en il Mexico. Las investiziuns directas han mussà per la fin dal 2014 ina summa da 7,6 milliardas francs. Tut en tut fatschentan firmas svizras rodund 30'000 lavurers en il Mexico.

RR novitads 09:00