Andreas Meyer ha gudagnà l'onn passà bun 1 milliun francs. Quai èn 14% dapli che l'onn 2013. Tenor il Cussegl federal è la paja pli auta da Meyer giustifitgada cunquai che las finamiras dal concern èn vegnidas cuntanschidas il meglier.
Il Cussegl federal ha approvà il rapport davart las pajas dals caders. Il segund plaz da las pajas da cader occupescha Urs Breitmeier, il schef da la RUAG, il concern d’armament e da tecnologia federal. Sin il terz plaz suonda Susanne Ruoff, la directura da la Posta.
RR novitads 17.00