Mobilezone ha vendì bler dapli telefonins l'emprim semester da quest onn. La svieuta da l'interpresa è s'augmentada per 9% sin 561 milliuns francs. Sut il stritg hajan els fatg in gudogn da bunamain 17 milliuns francs. Quai èn 23% dapli ch'ils emprims sis mais da l'onn passà, communitgescha Mobilezone. Fin la fin da l'onn quinta l'interpresa da pudair surpassar il resultat da record dal 2017.
Attribuì bler al creschament ha l'intermediader d'abunaments tudestg TPHCoom che Mobilezone ha surpiglià. TPHCoom ha attribuì per l'emprima giada ina svieuta da 109 milliuns francs. La fatschenta online en la Germania haja pudì confermar ils buns resultats da l'onn passà, scriva Mobilezone.
RR novitads 10:00
