Michaela Schärer daventa la directura da l'Uffizi federal per la protecziun da la populaziun BABS. Il Cussegl federal ha elegì la giurista da 50 onns sco successura da Benno Bühlmann che ha abditgà nunspetgadamain.
Ella cumenza il prim da schaner 2021 ed è l'emprima dunna en quest post. Schärer è creschida si en il Vad ed è entrada l'avrigl 1995 en l'anteriur departament federal dal militar EMD. Il 2017 è Schärer vegnida elegida sco directura substituta da l'Administraziun federala da duana.