«Microbioms» uschia han las bacterias, las spezias da virus, bulieus ed organissems d'ina cella en noss begl num. Mintga carstgaun ha in'atgna maschaida da bacterias en ses begl. Tar persunas che han diabetes, malsognas dal begl, ch'èn psichicamain malsaunas u han depressiuns è era il microbiom attatgà.
Per corp ed olma
Il microbiom ha pia influenza sin noss corp e nossa olma. El è responsabel per noss sistem d'immunitad, producescha vitamins e reglescha nossa digestiun. Tenor perscrutaders vala: pli bleras e diversas che las bacterias entaifer il microbiom èn e meglier èsi.
Influenzar il microbiom cun la dretga dieta
Il carstgaun sa cunzunt influenzas il microbiom cun il dretg nutriment. Qua vala era pli vast e meglier. Tenor experts da nutriment vala: ins duai plitost mangiar pauc, dentant fitg vast.