Siglir tar il cuntegn

Header

cuntegn

Midà opiniun Cumissiun vul barat d'infurmaziun automatic cun Tirchia

La cumissiun d'economia dal Cussegl dals chantuns è uss tuttina s'exprimida per in barat d'infurmaziun automatic cun la Tirchia. L'october era la fatschenta anc vegnida sistida. Quai pervia da l'intervenziun militara da la Tirchia en Siria.

Cun l'acziun militara en Siria, haja la Tirchia violà a moda gravanta il dretg internaziunal. In barat automatic cun la Tirchia fiss perquai in fauss signal, aveva la cumissiun argumentà l'october.

Da questa lingia è la cumissiun d'economia ussa però vegnida davent. Ella ha approvà ils discurs cun la Tirchia cun 7 vuschs e 3 abstenziuns. Il barat automatic ha la Svizra gia introducì cun 97 pajais.

Tge datas vegnan barattadas?

Tar il barat d'infurmaziuns automatic cun auters pajais dattan bancas svizras infurmaziuns sur da lur clients da l’exteriur ad auters pajais. Tranter auter èn quai: Num, adressa, domicil, anniversari, lieu da naschientscha, numer da conto, num e numer dad identificaziun da la banca, saldo da conto e numer da taglia.

Ord l'archiv da SRF

video
Barat d'infurmaziuns automatic
Or da Tagesschau dals 05.10.2018.
laschar ir

RTR novitads 12:00

Artitgels legids il pli savens

Ir a sanester Ir a dretg