Siglir tar il cuntegn

Header

cuntegn

Svizra Midada d’energia: Burgais averteschan da foras da provediment

L’iniziativa per «l’abandun da l’energia nucleara» dals Verds manass a foras da provediment, periclitass la segirezza e custass milliardas per indemnisaziuns. Da quai èn persvadidas las partidas burgaisas – cun excepziun dals verd-liberals.

Represchentants da la PPS, PCD, PLD e PBD averteschan d’ina iniziativa extrema, davart la quala i vegn votà ils 27 da november. Tar in gea a l’iniziativa stuessan las ovras atomaras vegnir prendidas da la rait gia il 2017. Da metter giu in’ovra atomara cumplexa aifer in onn, na saja però betg realistic, uschia ils adversaris.

Laschar vid la rait las ovras uschè ditg ch'ellas èn segiras

Plinavant smanatschia ina fora da provediment. Sch’i vegniss tschentà giu l’ultima ovra atomara il 2029, mancassan 22 uras terawatt energia. Quai ch’è passa in terz dal diever d’energia d’ozendi. Perquai vulan ils adversaris da l’iniziativa laschar vid la rait las ovras atomaras uschè ditg che quellas en segiras. Il suveran svizzer decida ils 27 da november davart l’iniziativa.

RR novitads 17:00

Artitgels legids il pli savens