Siglir tar il cuntegn

Header

cuntegn

Midada da l'ura Iniziativa per salvar l'ura da stad na gartegia betg

L'iniziativa federala per abolir la midada da l'ura na vegn betg a reussir, quai ha ditg la cussegliera naziunala da la PPS Lucerna, Yvette Estermann.

Dus mais avant ch'il termin da rimnar scada, hajan ins anc mo bun la mesadad da las 100'000 vuschs necessarias. Ses comité aveva cumenzà l'avrigl 2019 a rimnar suttascripziuns per l'iniziativa. Surtut la crisa da corona haja fatg in stritg tras il quint al project d’iniziativa. La glieud haja il mument auters quitads, uschia Estermann.

L’iniziativa leva abolir il temp da stad e francar ch'i valia en l'avegnir l'entir onn l'uschenumnà temp normal, il temp da l'Europa centrala.

Midada da l'ura

En Svizra datti dapi il 1980 il temp da stad. Dapi il 1996 midan tut ils pajais da l’UE ensemen las uras. L’ultima dumengia da mars vegnan las uras messas in’ura enavant e l’ultima d’october puspè ina enavos.

Questa fin d'emna, ils 24 d'october èsi puspè uschè lunsch:

video
Midament da l’ura
Or da Minisguard dals 01.09.2018.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga