Siglir tar il cuntegn

Header

cuntegn

Midada da la disa da consum Svizras e Svizzers baivan damain latg

L'onn passà ha mintga Svizra e mintga Svizzer bavì en media 51 liters latg. Quai è radund in terz pli pauc ch'avant 10 onns. Il cumportament da consum è sa midà.

Ils motivs per la reducziun dal consum da latg sajan multifars, ha ditg Stefan Kohler da l'associaziun da branscha envers radio SRF. La glieud baivia oz plitost bavrondas gia maschadadas a fin, uschia Kohler. Er l'ensolver classic crodia adina pli savens davent. Sa tschentar la damaun per ensolver, quai fetschian adina damain persunas. Oravant tut persunas ch'èn activas en ina professiun mangian e baivan sin via a la lavur.

Boom tar products da substituziun

In ulteriur motiv per la sminuziun dal consum da latg sajan products da substituziun sco latg da soja, latg da ris u latg da mandels. Quai conferma era Coop:

En il decurs dals davos diesch onns èn las venditas sa multiplitgadas cun trais.
Autur: Andrea Bergmann pledadra Coop

La vendita da products da substituziun s'augmenta. Ins vul experimentar cun insatge nov, oravant tut sch'i para d'esser sanadaivel.

Dunna che guarda sin in product.
Legenda: Cumpareglià cun l'entir sortiment èn ils products dentant anc in martgà da nischa. Keystone

RR novitads 07:00

Artitgels legids il pli savens