audio
Bunura: Midada da l'ura – Co vegn il temp en Svizra definì?
ord Actualitad dals 26.10.2019.
laschar ir. Durada: 3 minutas 10 Secundas.
En il labor da l'Institut federal da metrologia (Metas) a Berna vegn surveglià e calculà il temp svizzer. Quai sin basa d'ina ura d'atom. Ina ura che calculescha cun agid da radis da laser, vibraziuns ed autras cumponentas il temp a moda fitg, fitg exacta. Quest temp calculà vegn alura cumpareglià cun quel d'uras d'atom en auters pajais europeics ed en cas da basegn giustà.
Nossas uras èn uschè exactas – las secundas vegnan calculadas sin 15 plazzas suenter il comma.
Adina da midar pli paucas uras a maun
Grazia ad uras da func che s'accordeschan grazia ad in signal d'in satellit e grazia a signals da GPS che accordeschan apparats digitals ston ins adina tschentar pli paucas uras a maun. Tgi ch'ha naginas uras veglias vid la paraid u in'ura da bratsch percorscha dumengia bun'ura forsa gnanc ch'insatgi ha struvegià vid l'ura.
RR actualitad 07:00