La directura da finanzas e sanadad dal chantun Sursilvania, Maya Büchi Kaiser da la PLD n'è betg vegnida reelegida. Sco suletta da las tschintg persunas en la regenza ha ella pers ses sez – gudagnà quel ha Cornelia Kaufmann-Hurschler da la PCD. Büchi-Kaiser ha manchentà il pli absolut per dapli che 1'000 vuschs. Il meglier resultat ha fatg, sco avant quatter onns, il directur dal departament da construcziun, senza partida, Josef Hess cun 9'220 vuschs. Il pli absolut è stà tar radund 5'800 vuschs.
Elecziuns era en Sutsilvania
En il chantun Sutsilvania ha la Partida verd-liberala dumagnà il pass en la regenza, quai sin donn e custs da la PLD che ha pers in da ses dus sezs. L'Allianza dal Center mantegn ses trais sezs e la PPS ses dus. Peter Truttmann da la partida verd-liberala ha survegnì 6'452 vuschs, quai tar in pli absolut da 5'486. Enfin oz n'ha la partida verd-liberala betg gì mandads sin livel chantunal en la Sutsilvania.
