La Confederaziun calculescha da perder entradas da tranter 1 e 5 milliardas francs. Ils stadis G-20 e l' OECD èn per la midada da taxaziun. Tenor quella pajan las interpresas là dapli taglia, nua ch'ellas fan lur svieutas. Politichers da l'economia averteschan uss en la gasetta che la fora pudess esser anc pli gronda che calculà. Cun resguardar ils chantuns e las vischnancas pudess la Svizra perder tenor ils politichers fin a 10 milliardas francs. Per cumparegliar: Actualmain incassescha la Svizra mintg'onn radund 22 milliardas francs taglia sin gudogn.
Ueli Maurer vul furmar allianza
La gnervusitad en il parlament crescha perquai. I vegn avertì d'in collaps da taglia. Il minister da finanzas Ueli Maurer è sa decidì da sa participar activamain al svilup da las novas reglas. Ed el guarda da furmar in'allianza da stadis che han ils medems interess.
RR novitads 11:00