Siglir tar il cuntegn
Inhalt

Svizra Migraziun da persunas fitg qualifitgadas crescha

Il dumber da persunas fitg qualifitgadas ch'immigreschan en Svizra pervi da la lavur è creschì per passa il dubel – cumpareglià cun ils ultims 20 onns. Quai mussa in studi ch'ha analisà las cifras d'immigraziun tranter il 1991 ed il 2014.

Lavurer.
Legenda: La cumpart da migrants cun auta scolaziun crescha. Keystone

Da tut ils migrants e las migrantas che vegnan mintg'onn en Svizra, èn la mesadad persunas fitg qualifitgadas. Tut tenor derivanza èn las differenzas dentant grondas. Da las persunas che derivan da la Frantscha u da la Gronda Britannia èn 4 da 5 fitg qualifitgadas. Da las persunas da la Germania ed Austria han dus terzs qualificaziuns fitg autas.

La pli gonda midada hai dà ils ultims onns tar ils migrants che vegnan da la Spagna e da l'Italia. Entant èn dad els passa la mesadad fitg qualifitgads. Avant 25 onns era questa cumpart bler pli pitschna. Tenor ils scienziads ha quest svilup surtut da far cun la dumonda sin il martgà da lavur svizzer.

RR novitads 12:00