L'onn passà han dumandà radund ⅓ dapli persunas per asil en Svizra, congualà cun il 2020. Las dumondas d'asil han tenor il Secretariat da stadi per la migraziun (SEM) cun quai puspè cuntanschì il status d'avant la pandemia.
Pervi da la pandemia e las restricziuns da viagiar aveva quai dà en Svizra in toc main dumondas d'asil il 2020. Uschia che congualà cun il 2020 haja quai dà 35% dapli dumondas d'asil il 2021. En tut han dumandà asil l'onn passà prest 15'000 persunas. Quai correspunda a las cifras d'avant la pandemia.
Las pli bleras dumondas èn vegnidas da persunas da l'Afganistan. Il SEM quinta ch'il svilup restia era quest onn sumegliant, e quinta per il 2022 cun pli u main tuttina bleras dumondas d'asil sco l'onn passà.
audio
Per tadlar curt e cumpact
ord RTR Audio dals 15.02.2022.
laschar ir. Durada: 1 minuta 2 Secundas.