Entant che 41% da las persunas indigenas fidan en il sistem politic èn quai tar ils immigrants 53%. Er en il sistem giuridic han persunas cun ina biografia da migraziun dapli fidanza che persunas senza. Sch'i va per la polizia han 65% dals indigens fidanza, tar ils immigrants èn quai 70%.
Immigrants dovran dapli agid social
La bainstanza n’ha dentant da far nagut che immigrants fidan pli fitg en las autoritads, cuntrari. Pertge talas persunas han trais giadas uschè gronds problems da sa tegnair sur l’aua che persunas senza ina biografia da migraziun. Quai sa mussa er en la quota da l’agid social ch’è tar immigrants bunamain trais giadas uschè gronda.
Ord l'archiv
Tgi vegn? Tgi resta? Mintg’onn cumenzan passa 100'000 persunas ina nova vita en Svizra. E mintg’onn turnan era pliras 10'000 persunas enavos en lur veglia patria.
