Siglir tar il cuntegn

Header

Ina butia gronda cun stgalas rulantas
Legenda: La Migros vul daventar affitadra da las surfatschas da commerzi. Keystone
cuntegn

Migros Center Glatt a Wallisellen è venal

La Migros vul vender il renumnà center Glatt a Wallisellen, il center da cumpra cun la pli auta svieuta da la Svizra. En l'avegnir vul la Migros sulettamain esser affittadra en il center da cumpras a Turitg e tschertga perquai immediat in nov possessur.

La Migros veglia sa concentrar pli ferm sin models da commerzi digitals e sin la fatschenta principala, uschia ha la societad cooperativa infurmà venderdi. Immobiglias na tutgian betg tar la strategia dal champ da commerzi strategic.

En connex cun la nova orientaziun, venda la Migros era la gruppa da negozis Globus, las butias da mobiglias Interio, il spezialist da decoraziuns Gries Deco da la marca Depot da la Germania e la stizun da velos M-Way.

Per ils emploiads da Migros n'haja la vendita dal bajetg nagina influenza. Damai che las butias da Migros sin 53'000 meters surfatscha restian avertas vinavant.

RTR novitads 12:00

Artitgels legì il pli savens

Nach links scrollen Nach rechts scrollen