Il grossist Migros vegn undrà sco l’interpresa la pli populara en Svizra.
Sin ils ulteriurs rangs suondan
- Rega
- Ricola
- Zweifel
- Lindt&Sprüngli
- Coop
- Rivella
- Swatch
- Banca Raiffeisen
Quai communintgescha l’institut da perscrutaziun dal martgà GFK.
Il concern da Migros è vegni tschernì or da las 50 interpresas che s'engaschan per la durabilitad, communitgescha GFK. Ma betg en l’entira Svizra èn las persunas intervistadas dal medem avis. Uschia han persunas da la Svizra romanda taxà meglier interpresas oriundas da la Svizra romanda. Da l'autra vart han ils umens taxà meglier la marca da gervosa Feldschlösschen.
En cumparaziun da las generaziuns èn las bancas grondas sco UBS, CS u Julius Bär vegnidas taxadas meglier tar las persunas sut 30 onns. Totalmain eran las bancas dentant plitost sin ils davos rangs.
RR novitads 18:00