Siglir tar il cuntegn

Header

cuntegn

Milestone 2019 Zermatt gudogna premi d’innovaziun

La destinaziun Zermatt-Matterhorn ha survegnì il premi d’innovaziun «Milestone» da quest onn. Il segund premi en la categoria innovaziun va ad «Arosa Bärenland», il terz a la «Excellence Class» dal Glacier Express.

La destinaziun Zermatt-Matterhorn lantscha in'offensiva da digitalisaziun che duai gidar da restar ferm en la concurrenza turistica. Per quai intent han ins fundà in start-up, la Bonfire SA.

Il project da digitalisaziun da Zermatt resguardia tut ils acturs da la regiun, argumentescha la schuria sia decisiun. Ed i sa tractia d'in project drizzà ferm vers il futur.

Arbajas era per il Grischun

Il segund premi en la sparta d'innovaziun va al project grischun «Arosa Bärenland». La schuria è da l'avis ch'igl è gartegià da manar ensemen la protecziun d'animals ed il turissem. E quai cun entretschar l'entira regiun.

E per il Glacier Express datti il terz premi da la categoria innovaziun, quai per ses service persunal per il passagier. Uschia dettia per l'emprima giada ina vaira emprima classa sin binaris en Svizra, manegia la schuria dal Milestone.

Ord l'archiv:

Ils urs ad Arosa n'èn betg s'interessads grond per il premi ;-). Els sa preparan gia per il paus d'enviern.

video
Parc d'urs Arosa – in purtret
Or da Telesguard dals 12.11.2019.
laschar ir. Durada: 3 minutas 31 Secundas.

RR novitads 20:00

Artitgels legids il pli savens