Siglir tar il cuntegn

Header

cuntegn

Milliarda da coesiun a l'UE Cussegl dals chantuns na vul betg simplamain pajar

Il Na da la Svizra a la cunvegna da basa engrevgescha la relaziun cun l’Uniun europeica. Perquai vul il Cussegl federal tant pli spert pajar ina segunda milliarda da coesiun. Quest pajament è numnadamain la premissa che la Svizra dastgia insumma sa participar al program da perscrutaziun da l’UE «Horizon Europe».

Radund 1,2 milliardas francs vegnissan transferids a divers stadis commembers da l’UE. Gia en la sessiun d’atun duaja il Parlament federal dar liber ils daners en ina procedura d’urgenza. Il Cussegl dals chantuns vul dentant ir sin ils frains en chaussa. Questa fatschenta impurtanta dovria ina discussiun fundada.

Daners actualmain bloccads pervi da decisiun dal parlament

Da principi aveva il parlament gia ditg Gea a la milliarda da coesiun avant trais onns. Part da la decisiun è però er la cundiziun ch'ils daners restan bloccads, uschè ditg che l'Uniun europeica relascha mesiras discriminantas envers la Svizra. Quai era stà ina reacziun da la Svizra sin la decisiun da l'Uniun europeica da betg renconuscher la bursa svizra. Questa bloccada vul il Cussegl federal uss schliar tant pli spert, per pudair sa participar al program da perscrutaziun.

RTR novitads 09:00

Artitgels legids il pli savens

Scrollar a sanestra Scrollar a dretga