Siglir tar il cuntegn

Header

cuntegn

Milliarda da coesiun Cussegl federal fa prescha cun pajar

Il Cussegl federal vul pajar la milliarda da coesiun a l’Uniun europeica uschè svelt sco pussibel. En la sesida dad oz ha el confermà quella via ed ha dà liber la missiva a mauns dal parlament.

Il parlament ha gia dà liber la milliarda da coesiun, ha però collià il pajament cun cundiziuns entant che l'UE discriminescha la Svizra per exempel tar la bursa. Il Cussegl federal vul ussa dentant dar liber la milliarda senza quellas cundiziuns. Cunquai che las tractativas davart la cunvegna da basa han fatg naufragi, saja la situaziun ussa sa midada ed ins veglia meglierar las relaziuns cun l'UE cun pajar la milliarda da coesiun.

Sche omadus cussegls tractan gia durant la sessiun d'atun il pajament n'è anc betg cler. Il biro dal cussegl dals chantuns na va betg perina cun il Cussegl federal da tractar l'affar cun prescha.

audio
Per tadlar curt e cumpact
00:55 min, RTR Audio dals 11.08.2021.
laschar ir. Durada: 00:55 minutas.

RTR novitads 12:00

Artitgels legids il pli savens

Scrollar a sanestra Scrollar a dretga