Siglir tar il cuntegn

Header

cuntegn

Milliarda da coesiun Per il mument: Nagins daners per UE

Il Cussegl naziunal ed il Cussegl dals chantuns èn sa cunvegnids davart la milliarda da coesiun. La fatschenta è ussa pronta per la votaziun finala. Per il mument na van nagins daners a l'Uniun europeica.

Il Cussegl naziunal ha discutà davart la segunda milliarda da coesiun a divers stadis da l'Europa da l'Ost. Omaduas chombras van perina, che la Svizra duai sulet pajar ina segunda milliarda da coesiun, sche la UE desista da mesiras discriminantas envers la Svizra. Concret vai per la renconuschientscha da las regulaziuns da la bursa da la UE: Enfin che la UE na renconuscha betg l'equivalenza da la bursa, na paja la Svizra nagut.

Video
Ignazio Cassis: «Criteri da nundiscriminaziun sto esser accumplì»
Or da News-Clip dals 03.12.2019.
laschar ir

Quai è la milliarda da coesiun

I va per 1,3 milliardas francs che vegnan pajads entaifer 10 onns. La gronda part è prevedida per il credit general da coesiun, pia per projects en l'Europa da l'Ost. Tranter auter duain quels daners finanziar projects per la furmaziun persunala.

190 milliuns survegnan stadis ch'èn pertutgads zunt fitg da migraziun. Quels duain vegnir sustegnids per lur sforzs da promover structuras d'asil e per sviluppar proceduras d'asil e da repatriaziun pli effizientas.

RTR novitads 14:00