Siglir tar il cuntegn

Svizra Milliarda da coesiun per UE

Il Cussegl federal empermetta a l'Uniun europeica da sustegnair ils novs stadis commembers cun 1,3 milliardas francs.

Dus politichers
Legenda: Il president da la cumissiun da l'UE Jean-Claude Juncker s'inscuntra cun la presidenta da la Confederaziun Doris Leuthard a Berna. Keystone
  • La Svizra sustegna il svilup en ils novs stadis commembers da l'UE cun 1,.3 milliardas francs.
  • Il Cussegl federal ha empermess quai al president da la cumissiun da l'UE Jean-Claude Juncker.
  • La presidenta da la Confederaziun Doris Leuthard ha beneventà Juncker gievgia avantmezdi a Berna.

La Svizra paja in'ulteriura giada l'uschenumnada «milliarda da coesiun» a l'Uniun europeica. Quai ha il Cussegl federal garantì al president da la cumissiun da l'UE Jean-Claude Juncker ch'è sin visita a Berna.

Per sustegnair il svilup dals novs pajais commembers da l'UE paja la Svizra 1,3 milliardas francs. La basa legala ha il parlament federal approvà gia l'onn passà ed in referendum cunter n'hai betg dà. Il parlament sto dentant anc conceder il credit necessari.

RR novitads 12:00