Siglir tar il cuntegn
Inhalt

Svizra Millis peschs crappads en il Vallais

En in chanal d'aua a Saxon en il Vallais, èn crappads millis da peschs. La raschun saja, ch’in product toxic saja culà or da la serenera, ha confermà il guardiaselvaschina da la regiun. Il donn saja enorm. Sin plirs tozzels kilometers sajan tut ils peschs morts.

dus peschs morts en l'aua
Legenda: In product da tissi ch'è culà ord ina serenera ha gì consequenzas mortalas. (maletg simbolic) Keystone

Il motiv per l'impestaziun è ina manipulaziun sbagliadas tar la serenera Saxon. Ils collavuraturs hajan remartgà il sbagl la gievgia enturn las 08:00. Lura era il donn già capità, ha ditg Pierre Mange da l'Uffizi d'ambient dal Vallais. Il product toxic è culà ora perquai ch'in sclusaduir n'era betg serrà. Il product vegn duvrà per tractar la lozza da serenera.

Actualmain vegn manà aua schubra d’in’ovra electrica en il chanal. Quai duai gidar da schlunganar il tissi. Mesiras da sanaziun offensivas n'èn betg necessarias tenor las autoritads, cunquai che la limita d'impestaziun n'è betg vegnida surpassada. L'aua en il chanal cula fin il Rodan. Fin là saja il product sa schlià, quai dian las autoritads.

RR novitads 06:00