Svizra - Millis uffants e giuvenils al di dal futur
Durant in di pon ils giuvenils accumpagnar ils creschids per survegnir invista en diversas professiuns. Il di dal futur naziunal, ch'i dat dapi 16 onns, vul porscher perspectivas per l'elecziun da la professiun.
Legenda:
Tut ils giuvenils ch'èn stads en chasa RTR per guardar noss manaschi.
RTR, Prisca Bigliel
2 / 7
Legenda:
En discurs cun Astrid Alexandre, redactura da musica.
RTR, Prisca Bigliel
3 / 7
Legenda:
Ina giuvna che fa intervista cun Beat Lozza, manader da finanzas RTR.
RTR, Prisca Bigliel
4 / 7
Legenda:
Dus giuvens fan intervista cun Martina Caprez, redactura da novitads.
RTR, Prisca Bigliel
5 / 7
Legenda:
En discurs cun Gian Carlo Candinas, redactur da radio.
RTR, Prisca Bigliel
6 / 7
Legenda:
Ils giuvenils che han visità la chasa RTR al di da futur naziunal.
RTR, Prisca Bigliel
7 / 7
Legenda:
Plirs dals giuvens che han visità la chasa RTR, ensemen cun la moderatura Gaby Degonda.
RTR, Prisca Bigliel
Radund 2'300 interpresas sa participeschan quest onn al di dal futur naziunal. Tenor ina communicaziun dals organisaturs vegni dentant ad esser pli bleras firmas ch'avran lur portas per ils giuvenils. Quest di duai mussar e porscher ad els perspectivas per eleger ina professiun.
Sper il program fundamental datti er purschidas supplementaras. Tar questas han las mattas ed ils mats passentà il di en gruppas ed ensemen cun persunas dal fatg. Raund 3'600 mattas han visità manaschis, scolas autas spezialisadas ed univeristads. Er en la construcziun da metal hai dà in offerta speziala per las mattas.
Enturn 1'700 mats èn s'interessads per ina clamada tipica da dunnas. En spezial en la tgira è s'augmentà fermamain il dumber da plazzas da fuffragnadi.
En il project spezial «Aventura Scola» han 216 giuvens survegnì ina scolaziun sperta ed èn lura sezs stads avant ina classa da scola.
