Siglir tar il cuntegn
Inhalt

Svizra Minister da defensiun d'Israel sa retira

Suenter ina dispita cun il primminister israelian Benjamin Natanjahu sa retira il minister da defensiun Mosche Jaalon da ses uffizi. El sa retiria da la politica, ha Jaalon communitgà via Twitter.

Mosche Jaalon, il minister da defensiun da l'Israel.
Legenda: Mosche Jaalon, il minister da defensiun da l'Israel. Keystone

Il minister da defensiun da l’Israel Mosche Jaalon è sa retratg da ses uffizi il venderdi. Il politicher da la partida Likud fa quest pass pervi ch’el haja «fidanza mancanta» envers il primminister Benjamin Natanjahu.

La raschun per la dispita è che Jaalon aveva intimà uffiziers d’exprimer critica, er sche quella sa drizzia cunter la regenza. Perquai aveva Netanjahu crititgà massivamain Jaalon.

Nov minister da defensiun dastgass daventar l'anteriur minister da l'exteriur Avig-dor Liebermann. Cun el aveva Netanjahu gia manà discurs la mesemna.

RR novitads 11:00