Svizra - Mintga 10avla interpresa dat pajas sut il nivel usità
En Svizra ha mintga 10avla interpresa senza in contract collectiv da lavur pajà ora il 2014 pajas sut il nivel usità, quai annunzia il secretariat statal per economia Seco.
Pertutgads èn stads la gastronomia, il commerzi e la branscha d’economia da chasa. En il rom da las mesiras flancantas èn vegnids controllads 8900 patruns senza in contract collectiv da lavur. Quellas valan sco protecziun da las relaziuns da paja e da lavur. La bilantscha da la controlla valitescha il Seco sco positiva. Dumping da paja vegnia cumbattì pli effizient ed intenziunà.
