Mintga dus onns datti in nov telefonin

Giuvenils svizzers remplazzan lur telefonin en media suenter stgars dus onns. La mesadad survegn in nov telefonin malgrà ch'il vegl funcziuna anc.

Telefonins Bild in Lightbox öffnen.

Legenda da maletgs: Blers giuvenils midan regularmain lur telefonins. Pixabay

Ils radund in mez milliun telefonins intacts sa tschentan en in truclet. Quai mussa in rapport da la Swisscom e la ZHAW, la Scol'auta per scienza applitgada da Turitg. Per regla saja il giavisch d'in model pli nov u meglier il motiv per midar il telefonin. Tenor il rapport salvan 54% dals giuvenils lur telefonins vegls a chasa, malgrà ch'ins pudess reciclar els. Per bunamain tut ils giuvenils è il telefonin in element dal mintgadi. 99% dals giuvenils tranter 12 e 19 onns possedan en Svizra in telefonin.

55 tonnas material da recycling

Tenor ils psicologs da medias che han fatg il studi din, na sajan ils giuvenils betg sensibilisads sin in diever persistent cun il telefonin. Uschia stiman els ch'i saja da quai da 17 tonnas metals e varga 38 tonnas plastic en ils truclets dals giuvenils. Quels materials pudessan vegnir reciclads. Tar la producziuns manchian uschia metals custaivels, uschia il rapport.

RR novitads 16.00