Tuttina èn la mesadad dals svizzers sgulads almain ina giada en ils davos dus onns. Quai èn ils resultats d'in studi che l'institut da perscrutaziun GFS-Turitg ha publitgà il venderdi en incumbensa da la fundaziun d'energia svizra (SES).
23% dals dumandads han inditgà d'avair desistì da sgular per motivs ecologics. I sa mussan però grondas differenzas tranter las generaziuns. Uschia renunzian bun in terz da las persunas sur 40 onns al sgular e mo 11% dals dumandads sut 40 onns.
Conscients dals donns
Il studi mussa era che blers na midan betg lur disas da sgular, schebain ch'els èn conscients dal donn ecologic che sgular chaschuna. Uschia èn 60% dals dumandads persvas ch'il traffic aviatic augmenta il stgaudament da clima. Mo ina minoritad ha inditgà d'agir en favur dal clima en il mintgadi.
RR novitads 12:00