La cumpart dals uffants cun surpaisa crescha cun la vegliadetgna. En la scolina han mo bun 12% surpaisa. En il stgalim superiur dentant schon bunamain mintga quart. La promoziun da sanadad svizra ha laschà analisar prest 14'000 uffants e giuvenils da las citads da Basilea, Berna e Turitg.
Tendenzas variadas
L'examinaziun da la promoziun da sanadad svizra mussa, ch'i dat tar ils uffants da scolina fin en stgalim mesaun ina tendenza vers a val. En il stgalim bas e mesaun hajan 19,3% dals uffants surpais – uschè pauc sco anc mai dapli ch'ins ha cumenzà ha mesirar. Tar il stgalim superiur va il trend anc adina ensi, dentant pli pauc ferm.
Per l'examinaziun ha la promoziun da sanadad svizra duvrà il BMI da var 14'000 uffants da las citads Basilea, Berna e Turitg.
RR novitads 16:00