Siglir tar il cuntegn

Svizra Mintga terz requirent d'asil svanescha

A Turitg vegn il mument testà in nov center d'asil. En quest center svanescha bunamain mintga terz requirent d'asil avant ina decisiun da Berna.

requirent d'asil davosvart, davonvart: placat cun infos davart agid da retrun
Legenda: Infurmaziun pli transparenta è tenor il secretariat statal da migraziun in motiv che requirents d'aslil svaneschan. Keystone

En ils centers d’asil da fin qua saja quai mintga 10avla persuna. Sco il pledader dal secretariat statal da migraziun, Martin Reichlin ha ditg, saja quai probabel ina da las consequenzas da l’infurmaziun pli transparenta e pli svelta en il nov sistem.

Tgi che sa da l'entschatta ch'el ha schlettas chartas, svanescha pli gugent che da spetgar.
Autur: Martin Reichlinpledader dal secretariat statal da migraziun

Ch’ils requirents d’asil svaneschian, na sajan dentant betg in problem, ha ditg Fredy Fässler, directur da polizia dal Son Gagl. I dettia ferms indizis che las persunas che svaneschian, bandunian per gronda part la Svizra.

Sch'il pievel di gie ils 5 da zercladur a la nova lescha d'asil vegn il proceder d'asil a funcziunar en l'avegnir en l'entira Svizra uschia sco en il center che vegn testà actualmain a Turitg.

RR novitads 07:00