Siglir tar il cuntegn
cuntegn

Svizra Mintga tschintgavel senior vegn cugliunà per daners

En Svizra vegnan persunas pli veglias cugliunadas mintg'onn per 400 milliuns francs. Quai demussa in studi da la Pro Senectute Svizra e da la scola auta spezialisada da Neuchâtel.

Dunna pli veglia en il stgir ed autra persuna che declera insatge.
Legenda: En Svizra vegnan persunas pli veglias cugliunadas mintg'onn per 400 milliuns francs. Keystone

Tenor il studi da la Pro Senectute è mintga quarta persuna sur 55 stada pertutgada da cugliunarias da facultad ils davos 5 onns, mintga tschintgavla persuna ha gì in donn finanzial. Las cugliunarias han fatg donns da tut en tut passa 400 milliuns francs per onn.

Las cugliunarias vegnan fatgas en differentas situaziuns: Quai va da enguladitschs en la publicitad, enguladitsch tar il prender giu daners, persunas nunenconuschentas che dumondan per daners, inserat falsifitgà en l'internet fin tar retschaiver rauba betg empustada.

Il studi mussa, che umens vegnan cugliunads pli savens che dunnas. La Svizra franzosa ha cun 36,5% ils pli blers cas da cugliunarias envers persunas sur 55 onns, suandà la la Svizra tudestga cun 22,8% e dal Tessin cun 11,7%. Plinavant vegnan persunas tranter 55 e 64 onns sco er quellas sur 85 onns cugliunadas pli savens che las persunas da las vegliadetgnas tranteren.

RR novitads 12:00