Il producent d'uras svizzer Swatch quinta ch'il gudogn dal concern vegnia a sa reducir marcantamain l'emprim mez onn 2016.
Sco quai che Swatch communitgescha pudess sa tractar quai da 50% fin 60% cumpareglià cun l'onn avant.
Tar la svieuta quinta il producent d'uras cun in minus da 12%. La raschun per quest regress saja che Swatch haja vendì pli paucas uras. Las cifras concretas vul Swatch publitgar l'emna proxima.
Suenter quest avertiment è crudà il curs da l’aczia da Swatch tar l’avertura da la bursa a Turitg per 11% sin 258 francs. Suenter esser curda anc enfin giu sin 249.80 francs s’ha stabilisà il curs actualmain sin 257.30 francs.
