Legenda:
La taglia sin la plivalur duai vegnir augmentada en in emprim pass da 8 sin 8,7%.
Keystone
cuntegn
Svizra - Mo 1% dapli taglia sin la plivalur per sanar AVS
Per finanziar l’Assicuranza per vegls e survivents (AVS) vul il Cussegl dals chantuns auzar la taglia sin la plivalur (TPV) per 1%. Quai è in mez pertschient pli pauc che quai ch’il Cussegl federal propona.
Perencunter ha il Cussegl dals chantuns refusà da sbassar las participaziuns da la confederaziun a la AVS.
L’augment duai succeder en dus pass: enfin la fin dal 2017 duai la taglia sin plivalur vegnir auzada dad 8 sin 8,7 pertschient, ed alura il 2021 per ulteriurs 0,3 sin 9%.
En tut duai quest augment purtar radund 3,63 milliardas francs sin ils contos da l’AVS.
