Sco'i para mancan a Svizras e Svizzers in zic las ideas per ils regals da Nadal: Ina gronda part regala bons e daners a ses confamigliars u amis. Quai mussa la retschertga represchentativa dad «Ernst & Young» tar 405 Svizras e Svizzers la fin october.
A Turitg vegn regalà pli char
Il pli aut budget han ils consuments e las consumentas en il chantun Turitg cun 310 francs. Pli paucs daners en regals da Nadal investeschan abitantas ed abitants da la Svizra centrala. Els impundan en media 257 francs.