Cun 26 cunter 16 vuschs ed 1 abstenziun ha la Chombra pitschna approvà il concept che Philipp Müller da la PLD aveva proponì.
Ina minoritad da la cumissiun aveva pretendì da Brüssel mesiras unilateralas senza dretg da veto («Model Bischof») en il cas da pesants problems economics.
Quest model n'ha però betg pudì sa profilar cunter la proposta da Philipp Müller.
Favurisaziun d'indigens
Il concept approvà prevesa che firmas duain vegnir obligadas d'envidar ad in discurs persunas che tschertgan ina lavur. Refusas ston vegnir argumentadas, in simpel «…sorry, forsa l’autra giada…» sco fin qua na tanschess betg pli.
Sche quai na schlia però betg il problem, lura dastga il parlament decider ulteriuras mesiras. Quellas ston però esser cumpatiblas cun la libra circulaziun da persunas.
RR novitads 12:00