Möbel Hubacher va per immediat en ils mauns da la Pfister Arco Holding. Quai communitgescha la societad-mamma da Möbel Pfister, la pli gronda firma da mobiglias en Svizra.
Davart il pretsch da cumpra èn las duas interpresas sa cunvegnidas da taschair.
Möbel Hubacher vegnia ad exister vinavant cun il medem num ed ils 200 collavuraturs na perdian betg lur plazza. La famiglia proprietaria da Möbel Hubacher ha tschertgà ina soluziun externa svizra per reglar la successiun.
