Cun vender ses hotels e resorts a la gruppa franzosa Accor spera Mövenpick-Holding da pudair crescher pli spert. Uschia possia la Mövenpick profitar da novs chanals da vendita e dal program da l'Accor per la loialitad dals clients, hai num en la communicaziun.
La transacziun duai ir en vigur la segunda mesadad dal 2018. Quella sto dentant anc vegnir approvada da las cumissiuns da concurrenza. Il partenari da Mövenpick, Kingdom Holding, è d'accord cun ils plans. Ils auters affars da Mövenpick, la Mövenpick Fine Foods, la Mövenpick vin e Marché International n'èn betg pertutgads da las midadas.
RR novitads 08:00