L'elecziun è previsa a chaschun da la radunanza generala ils 15 da zercladur. Ribar daventass uschia successura da Ulrich Gigy ch'è sa retratg.
Dapi dus onns è Monika Ribar gia vicepresidenta dal cussegl d'administraziun.
Dapi 23 onns è Ribar activa en pliras funcziuns da manar da l'interpresa da logistica Panalpina. Il davos era ella CEO da Panalpina World transport. Ella ha uschia gronda experientscha en il sectur da logistica e da la viafier federala. Sco il Cussegl federal scriva saja quai in dals motivs per la tscherna da Ribar.
Dasper il mandat tar l'SBB fa Ribar er part dals cussegls d'administraziun da la Lufthansa, la Sika e dal concern franzos da cumponentas electronicas Rexel.
RR novitads 14:00