En il sectur da sanadad duajan ils custs s'augmentar pli pauc ferm. Quai è la finamira dal pachet ch'il Cussegl naziunal ha approvà suenter che gia il Cussegl dals chantuns aveva dà glisch verda.
Ils custs dal sectur da sanadad duajan vengir survegliads. Sch'els s'augmentan fitg ferm, ed ins na po betg declerar quai cun facturs sco il vegnir vegl da la populaziun, duajan ils partenaris da tariffa prender mesiras. Vul dir cassas da malsauns, medis e medias e terapeuts duajan sa cunvegnir sin mesiras. Na grategia quai betg, na pon la Confederaziun ed ils chantuns dentant betg intervengir.