Siglir tar il cuntegn

Header

Cudeschs rumantschs.
Legenda: Tenor il schef da la biblioteca da l'ETH da Turitg ston las bibliotecas inventar sasezzas. RTR, G. Hosang
cuntegn

Svizra Moran las bibliotecas popularas pervi da la digitalisaziun?

Il schef da la biblioteca da l' ETH ha pretendì dacurt en in' intervista cun la «NZZ» am Sonntag che cudeschs daventian betg pli necessaris cun la digitalisaziun.

Bibliotecas stoppian inventar sasezzas da nov u ch'ellas svaneschian. Èn er las bibliotecas popularas tar nus periclitadas entras la digitalisaziun dals cudeschs?

Cudeschs èn anc adina pli dumandas

Tar la biblioteca populara da Mustér n' èn ils cudeschs digitals anc betg pli dumandads ch'ils cudeschs fisics. Il dumber d'abunents saja bain ì enavos in pauet els davos onns, ma na a favur da medias digitalas, declera la bibliotecara Elvira Deplazes.

Surtut durant la stad sajan ils e-books dumandads. «Suenter din ils blers a mai ch'i saja tuttina pli bel da tegnair in cudesch enta maun.» Che la biblioteca da Mustér svaneschia in di pervia da la digitalisaziun na crai ella betg.

Era en la biblioteca populara a Savognin n'èn ils emprests da cudeschs betg ids enavos a favur da las medias digitalas. Che versiuns digitalas remplazzian ils cudeschs, na crai la menandra dalla biblioteca Nora Netzer betg.

Co vesi dentant ora cun la biblioteca sco lieu? Sto la biblioteca prop inventar sa sezza danovamain? Tenor las duas bibliotecaras è il maletg dalla biblioteca sco lieu che dat albiert a cudeschs surtratgs da pulvra gia uss passé. «Bibliotecas èn in lieu da sentupada cun ina gronda paletta da purschidas.», di Elvira Deplazes.

RTR/gg/cs/ggf

Artitgels legì il pli savens

Nach links scrollen Nach rechts scrollen