Moret è la suletta dunna tranter ils candidats per la successiun da Burkhalter. Ses concurrents èn Pierre Maudet (GE) ed Ignazio Cassis (TI).
Vegniss Moret elegida, avess il chantun Vad cun Guy Parmelin ed ella dus represchentants en il Cussegl federal. La politicra da 48 onns sesa dapi il 2006 en il Cussegl naziunal per la PLD.
Ella è commembra da la cumissiun d'instituziuns politicas e la cumissiun per la segirezza sociala e sanadad. Dapi il 2016 presidiescha ella l'associaziun d'ospitals H+. Dal 2006 enfin il 2016 è ella stada vicepresidenta da la PLD Svizra.
RR novitads 14:00