Siglir tar il cuntegn

Header

cuntegn

Morges/Vad Um mora tar acziun da la polizia

Dad in’acziun da la polizia a la staziun da Morges en il chantun Vad è in um mort. In policist haja sajettà pliras giadas sin l’um da 37 onns ch’haja smanatschà cun in cuntè.

La polizia haja stuì intervegnir sin in perrun pervia d'in um ch'è dà en egl pervia da ses cumportament disturbà. L'um haja mussà in cuntè e sa depurtà privlus. In policist da Morges haja sinaquai sajettà pliras giadas sin l'um, perquai ch'el saja sa sentì en privel. L'um è vegnì blessà. La polizia haja dà emprim agid, l'um saja dentant anc mort al lieu.

Dapli indicaziuns uffizialas n’ha la polizia anc betg fatg. La procura publica investighescha en chaussa.

RTR novitads 07:00

Artitgels legids il pli savens

Scrollar a sanestra Scrollar a dretga