Siglir tar il cuntegn

Header

persuna tegn en mintga maun duas chandailas da fossa cotschnas
Legenda: L'augment da la mortalitad en Svizra è «nunusità» suenter ch'ella è sa sbassada ils ultims decennis. Keystone
cuntegn

Mortalitad La pandemia augmenta la mortalitad en Svizra

Pervi da la pandemia èn bunamain 9% dapli persunas mortas en Svizra l'onn passà - cumpareglià cun il 2019. La mortalitad saja uschia sin il nivel dal 2014/2015 scriva il Center universitar da medischina a Losanna (Unisanté). En vista al fatg che la mortalitad sa sbassa dapi decennis saja l'augment da 8,8% da l'onn passà «nunusità» e mussia las consequenzas da la pandemia da corona, scriva Unisanté.

Il studi ha dentant era constatà che l'augment da mortoris pertutga cunzunt umens da 70 onns ensi, e tar las dunnas da 75 onns ensi. Tar persunas pli giuvnas n'han ils perscrutaders chattà nagin augment significant da la mortalitad. Vitiers scriva Unisanté che la mortalitad na saja betg cumparegliabla cun ils dumbers da mortoris durant la grippa spagnola il 1918.

L'aspectativa da vita restia er vinavant en media sin 81 onns tar ils umens e sin 85 onns tar las dunnas.

RTR novitads 12:00

Artitgels legids il pli savens

Scrollar a sanestra Scrollar a dretga