Siglir tar il cuntegn

Header

cuntegn

Mortori Autur e medi d'uffants Remo Largo è mort

L'autur e medi d'uffants Remo Largo è mort en la vegliadetgna da 76 onns. Quai rapporta il Tagesanzeiger cun sa referir sin ina communicaziun da sia famiglia. Mintgin che sa fatschenta cun uffants, per exempel geniturs, pedagogs e psicologs, enconuscha ses cudeschs.

Remo Largo
Legenda: Remo Largo. Keystone

Vegnì enconuschent en l'entira Svizra è Remo Largo il 1993 cun ses cudesch d'educaziun «Babyjahre». Il 1999 è lura cumparì ses bestseller «Kinderjahre».
Remo Largo è creschì si a Winterthur ed ha studegià pli tard a Turitg e Los Angeles medischina e pediatria da svilup.

Durant ils 40 onns ch'el ha lavurà en l'ospital d'uffants a Turitg, ha el manà in dals pli impurtants studis internaziunals a lung temp sur dal svilup da l'uffant. Ina da sias devisas: tractar ils uffants cun premura, plain amur e cun pazienza.
Remo Largo laschà enavos ina dunna, trais figlias e 9 biadis e biadias.

RTR novitads 06:00

Artitgels legids il pli savens

Scrollar a sanestra Scrollar a dretga