Tribunal federal ha refusà in recurs da l'anteriur imam da la moschea An'Nur a Winterthur.
La dretgira districtuala da Winterthur aveva sentenzià l'um da la Somalia, perquai ch'el aveva clamà publicamain a violenza durant ina predgia il 2016. L'um ha dentant fatg recurs cunter la sentenzia ad in chasti da detenziun cundiziunà e da stuair bandunar la Svizra per 10 onns. Uss ha il Tribunal federal sco davosa instanza confermà la sentenzia da la dretgira da Winterthur.
RR novitads 16:00
