Ussa èsi cler pertge che l’aviun militar PC-7 è crudà giu al Schreckhorn en las Alps bernaisas ils 12 da settember 2017. La raschun saja in sbagl dal pilot. Quai ha communitgà la giustia militara. Il pilot era mort tar l’accident al Schreckhorn.
Era sche la vista n’era betg buna, è il pilot sgulà tenor las reglas da sgular a vista, enstagl che cun l’agid dals instruments tecnics.
Nagina ulteriura procedura
Sch'il cumportament dal pilot è stà relevant tenor dretg penal militar, è avert. Damai ch'el è mort, n'èsi betg pussibel d'avrir ina procedura cunter il pilot. L'investigaziun n'haja purtà nagins indizis envers ulteriuras persunas. Perquai desista la dretgira penala militara dad ulteriuras proceduras. La procedura è cunquai terminada cun vigur legala.
RR novitads 09:00